VOV4.K’ho - Đảng ƀộ, gơnoar atbồ bal mờ làng bol ală kòn cau càr Dăk Lăk kung neh bơyai lơh tus còp ies ală cau ling khin cha jăk chài tàm ƀlàng tơ̆p ƀồc cau ling chơ̆t màng càr.

                            Đảng ƀộ, gơnoar atbồ càr Dăk Lăk còp ies ƀồc cau ling chơ̆t màng

Tàm dơ̆ ies, ala măt Đảng ƀộ, gơnoar atbồ bal mờ làng bol ală kòn cau càr Dăk Lăk neh chu ñàng, pơdơng bơkào kah kơlôi, tơlik nùs nhơm git ưn ngài uă ngan tus mờ ală cau ling chơ̆t màng neh khin cha jăk chài phi să tài broă tam lơh tơnklàs dà lơgar. Tơnguh jơnau niam hùc dà kah tô dà, tàm ală nam do, càr Dăk Lăk neh jơh nùs drơng gàr rài kis phan bơna, nùs nhơm ai ală cau ling sồt să, cau ling kòp tê jê să, hìu nhă cau ling chơ̆t màng, cau mè Việt Nam khin cha jăk chài, cau geh màng mờ Dà lơgar. Ală broă lơh kis git jơnau git adăt, lơh hìu nùs nhơm, pà sră tềm pềr priă nùs nhơm... pah nam geh lơh mờ khà rơlao 25 tơmàn đong.

Cau mblàng Ndong Brawl