VOV4.K’ho- Drim ngai 14/04, tàm Hà Nội, Đảng ƀộ Mpồl ală anih lơh broă kâp dà lơgar bơyai lơh Pơrjum Mpồl đơng lam dơ̆ 8, cribơyai bè cồng nha broă lơh qúy dùl mờ lam lơh jăt ală kơnòl broă tờm bơh qúy bàr nam 2022 dê.

Tàm pơrjum, ală kwang bàng neh kơlôi sơnơng, cribơyai ai jơnau đơs tàm ală tơngume bè Rơcăng cih jơnau yal cồng nha 05 nam lơh jăt Kơrnoăt sồ 06 bơh Đảng ủy Mpồl ală anih lơh broă kâp dà lơgar dê bè “Sơlơ tơnguh tai nùs nhơm lam lài, lơh krơh bơh kwang bàng, đảng viên dê, ngan là cau lam bồ kâp ủy, anih lơh broă,  mpồl lơh broă dê tàm tŭ tơngai tŭ do”; Rơndăp cih 05 nam lơh jăt Kơrnoăt sồ 04 bơh Đảng ủy Mpồl ală anih lơh broă kâp dà lơgar dê bè “Tơnguh uă cồng nha broă lơh hòi jà làng bol bơh đảng ƀộ ală anih lơh broă kâp dà lơgar dê”. Bal mờ broă bơto bơtê cribơyai tàm sră pơ àr cíñ trị geh sơlơ tơnguh tai den broă lơh sền gàr bơnàng jă bồ tơngoh Đảng dê, tam dră wơl mờ ală jơnau đơs, nùs nhơm tìs ờ di, gơjrañ kwềng geh lơh pràn, pơgồp bơnah bơ̆t bơtàu mpồl đảng mờ ală anih lơh broă cíñ trị tàm Đảng ƀộ Mpồl ală anih lơh broă kâp dà lơgar sàng goh, pràn kơldang kơ̆ kơl jăp.

Cau mblàng Lơ Mu K’Yến