VOV4.K’ho- Mho ngai 13/01, Đảng ủy đah mpồl lơh sa kă bro dà lơgar bơyai lơh tơn jơh broă lơh nam 2021 mờ lam lơh jăt kơnòl broă nam 2022. Nam 2021, Đảng ủy đah mpồl lơh sa kă bro dà lơgar dê sùm đơng lam, sồr ală anih lơh jăt niam broă lơh bơ̆t bơtàu Đảng mờ lơh pràn broă lơh sa kă bro.

Jơh gùt anih bơyai lơh pơrjum

Jăt tơrgùm kờp, kờp jơh priă lơh geh bơh lơh sa kă bro bơh ală tập đoàn, tổng kông ty dê tàm đah mpồl lơh sa kă bro dà lơgar dê kờp dŭ geh mờr 1 tơlak 550 rbô tơmàn đong, sơrlèt rlau 43,5% pơndrờm mờ broă rơndăp lơh mờ gơguh pơndrờm mờ nam 2020. Đơs tàm pơrjum, Kwang ătbồ Ƀan Lơh sa dà lơgar ồng Trần Tuấn Anh sồr, tàm tơngai tus Đảng ủy đah mpồl lơh sa kă bro dà lơgar pơn jăt tai lơh pràn mờ lơh niam rlau tai broă lơh bơ̆t bơtàu mờ lơh niam wơl Đảng; Pơn jăt tai tam gơl pa, tơnguh uă cồng nha lơh broă mờ bơta pràn jak tàm pơrlòng bơh mpồl lơh sa kă bro dê; gàr niam priă lơh geh mờ broă lơh ai kwang bàng, kông cứk mờ cau lơh broă in.

Cau mblàng Lơ Mu K’Yến