Càr Kon Tum tŭ do geh 5 mpồl geh jơng ală Tập đoàn lơh sa, Tổng kông ty, Ngân hàng kă bro dà lơgar geh mpồl lơh broă Đảng mờ 360 nă đảng viên ờ gơ wèt kâp ủy càr. Bơdìh hơ̆ tai, tàm càr gam geh 9 mpồl gơ wèt ală Tập đoàn, Tổng kông ty geh mpồl lơh broă Đảng gơ wèt kâp ủy càr mờ kờp jơh 536 nă đảng viên.

Cồng nha kờp sền ai gŏ, ală đảng ủy gơ wèt Đảng ủy Gah mpồl lơh sa kă bro dà lơgar neh đơng lam, sồr lơh ală kâp ủy kâp hơ đơm lam lơh niam broă lơh pơgồp bal mờ Tỉñ ủy càr Kon Tum. Pơgồp bal geh cồng nha tàm broă lơh bơt bơtàu mpồl lơh broă cíñ trị, mpồl bơtiàn, tus bal ală srơh bơh càr dê dipal mờ broă lơh bơh mpồl lơh sa kă bro dê. Di dơ̆ do, Đảng ủy Gah mpồl lơh sa kă bro dà lơgar jàu 100 nơm hìu nùs nhơm pà hìu bơnhă rƀah tàm 2 xã uă kal ke là Mường Hoong mờ Ngọc Linh bơh kơnhoàl Đăk Glei dê, kờp priă 6 tơmàn đông.