Đơs tàm pơrjum, Ƀí thư Đảng uỷ Khối ală anih lơh broă Dà lơgar ồng Nguyễn Văn Thể đơs loh, ală bơta mpồl tàm dră gơ jrañ gơ uềng, tŭ tơngai Cíñ tị tŭ do gam pơn jat tai gơguh ală broă lơh pơrlơ̆ dră Đảng mờ Dà lơgar he dê.

Tơngai tus, pơn jat tai lam lơh dơ̆ pơrjum cíñ trị jrô ơnàng làm uă bè tơngume tàm jơnau cih “Kràñ cê jơh nùs, lơh ngan tam dră rcang sơndră sa kuề sa kuà mờ bơta ờ niam, pơgồp bơnah bơt bơtàu Đảng mờ Dà lơgar he dê ngai sơlơ sàng goh, pràn kơl dang, kơ̆ kơljap”, bơh Tổng Ƀí thư ồng Nguyễn Phú Trọng dê. Kràñ cê jơh nùs tam dră, kơryan jơnau yal ờ ngan, ờ niam. Bal mờ hơ̆, ală Đảng ủy gơwèt Đảng ủy Khối, sơlơ tơnguh gròi sền, jat sền ală bơta tàm mpồl bơtiàn nàng rcang lài pơgồp bal mờ ală anih lơh broă geh gơnoar kơryan ală jơnau cih, jơnau yal ờ ngan geh yal tơngĭt, pơnđàng tàm internet, màng xã hội pơrlơ̆ dră Đảng mờ Dà lơgar.