Đơs tàm dơ̆ lơh, Duh broă sùm Ƀan Ƀí thư ồng Lương Cường đơs sùm: broă Ƀăo Làng bol bơyai lơh tơlik măt pang yal tơnggĭt jơnau is ồn “Tổng Ƀí thư ồng Nguyễn Phú Trọng- Kwang đơng lam bồ geh nùs nhơm niam, geh broă lơh jak ngan bơh Đảng dê” là broă lơh geh kwơ ngan ngồn, dong kwang bàng, đảng viên, làng bol mờ gơ̆p bơyô ală lơgar gĭt wă loh rlau bè rài kis, broă lơh, ală tă pơgồp dà kơlhề dờng ngan bơh ồng Tổng Ƀí thư Nguyễn Phú Trọng dê, Kwang đơng lam bồ is ồn jak ngan, dồ nùs nhơm kòn bơnus dờng, krơh nùs nhơm kăc màng lam lài, àng sơrdah dòn song.

Ồng Lương Cường sồr Ƀan Tuyên giáo Dà lơgar lơh gơrề tơnggume pang yal tơnggĭt jơnau is ồn bè “Tổng Ƀí thư ồng Nguyễn Phú Trọng- Kwang đơng lam bồ geh nùs nhơm niam, geh broă lơh jak ngan bơh Đảng dê”. Bơh hơ̆ lơh tơngkah wơl bơta pin dờn, bơta pơñiờ să bơh kwang bàng, đảng viên dê wèt tus hờ Đảng pơnrơ dờng, bè Wa Hồ pơnrơ dờng ngan, bè jơi bơtiàn Việt Nam khin cha jak chài, lơh tơngkah wơl bơta kơ̆p kờñ ngan bơtàu tơngguh dà lơgar pas sơm, chờ hờp chờ hờn.