VOV4.K’ho- Jat jơnau dan bơh Kụk Sền gàr Ring lơngai, Ƀộ Quôk phòng dê, Mpồl Kwang bàng Việt Nam tàm Liên hợp quôk neh yŭ rơyùm bơyai lơh dơ̆ jàu griăt Thượng tá ai ồng Lương Trường Vinh in mờ griăt Trung tá ai ồng Nguyễn Phúc Đông in, gam lơh broă tàm Kụk lơh broă Ring lơngai, Liên hợp quôk.

Đơs tàm dơ̆ jàu, Đại sứ Đặng Hoàng Giang jờng rơ uă bơta lơh ngan pơnđơl pràn mờ lơh sir jak ngan ală kơnòl broă geh jàu bơh ală kwang bàng geh jàu griăt nam 2022 dê in. Đại sứ Đặng Hoàng Giang sồr mờ kơnòl broă pa, ală kwang bàng pal pơn jat tai lơh jat niam bơta pràn bơh he dê tàm broă lơh mờ cribơyai mờ Đảng, Dà lơgar bè ală gah lơh broă bal sền gàr bơta lơngap lơngai Việt Nam mờ Liên hợp quôk, ngan là jòi tơngai niam sơlơ tơnguh bơta tus bal bơh mpồl ling sền gàr bơta ring lơngai Việt Nam tàm ală Mpồl kwang bàng bơh Liên hợp quôk dê.

Cau mblàng K’Hạnh