VOV4.K’ho- Drim ngai 08/8, tàm Hà Nội, Ƀộ Ngoại giao Việt Nam yŭ rơyùm bơyai lơh Kơt bồng bi di tơngkah kir sơnrai 55 nam ngai crơng gơs mpồl ASEAN (08/8/1967 – 08/8/2022) mờ tơngkah 27 nam ngai Việt Nam mut tàm mpồl ASEAN (28/7/1995- 28/7/2022), Ƀộ trưởng Ngoại giao ồng Bùi Thanh Sơn neh đơng lam mờ đơs tàm dơ̆ bơyai lơh.

Tổng thư ký ASEAN đơs tàm bơyai lơh

Đơs tàm dơ̆ bơyai lơh, Ƀộ trưởng Ƀộ Ngoại giao ồng Bùi Thanh Sơn đơs nền, git gơp đah mpồl ASEAN mờ ală lơgar, ală mpồl lơh broă bal, geh bal jơh ală lơgar dờng pràn tàm dunia gam ngai sơlơ bơtàu tơnguh mhar mờ niam ngan tài bơta kuơ bal. ASEAN kung ai gŏ gơnoar broă lơh tờm pơn rơ ngan tàm tiah do mờ tàm gùt plai ù. Ală cồng nha do lơh geh ờ di ƀuơn, do là cồng nha bơh ală bơta lơh ngan ờ git ơm wơl bơh tơl lơgar ASEAN dê bal mờ bơta dong kờl pràn ngan mờ bơta lơh broă bal geh cồng nha bơh gơp bơyô mờ lơgar lơh broă bal dunia dê. Việt Nam kung pơn iờ să neh geh ală tă pơgồp ngac ngar, geh cồng nha ai ală jơnau hơ pơrgon bal bơh tiah ASEAN dê.

Cau mblàng K’Duẩn