Tàm dơ̆ cribơyai ală kwang bàng tơrgùm lơh loh ală nùs nhơm, gùng dà broă lơh bơh Đảng dê bè sền gàr Dà lơgar, sền gàr lơngap lơngai dà lơgar, gàr niam rơndap tap sèng, lơngap lơngai mpồl bơtiàn mờ bơt bơtàu Kwang àng làng bol tàm tơngai lơh broă Pơrjum dờng dơ̆ XIII.

Tàm hơ̆, ngan là sền dờng màng broă kơlôi sơnơng, sền gĭt ală broă pa gơlik geh tàm jơh bal gah sền gĭt, lý luận mờ bơta geh ngan sền gàr Dà lơgar, sền gàr lơngap lơngai Dà lơgar, gàr niam rơndap tap sèng, lơngap lơngai mpồl bơtiàn, bơt bơtàu Kwang àng làng bol jat tàm Nghị quyết Pơrjum dờng dơ̆ XIII bơh Đảng dê. Sră nggal Pơrjum dờng dơ̆ XIII bơh Đảng dê kwơ màng đơs sùm bơta jak chài mpồl kwang bàng, đảng viên, lài ngan là mpồl kwang bàng kấp lơh broă kwơ màng. Hơ̆ là ală kwang bàng ờ mìng geh tơl nùs nhơm niam, bơta jak chài tàm broă lơh mờ gam pal geh bơngă pin dờn. Geh bè hơ̆, pràn jak đơng lam, pràn jak at gơnoar bơh Đảng dê hơ̆ sồng geh gàr niam, lơh ai Đảng in ndrờm pal mờ kơnòl broă.