Ngai 24/6/1967, lơgar Việt Nam Zân củ Kộng hòa (tŭ do là Kộng hòa xã hội củ nghĩa Việt Nam) mờ lơgar Campuchia ngan ngồn lơh bơta gĭt gơ̆p cribơyai broă mờ lơgar ndai, pờ tơlik dùl tap pa tàm rài kah yau 2 lơgar dê.

Rlau 50 nam lòt gan, làng bol Việt Nam mờ làng bol Campuchia sùm bal mờ gơ̆p, dong kờl bal tàm broă lơh tam lơh dong klàs jơi bơtiàn, sền gàr Dà lơgar kung bè tàm broă lơh bơt bơtàu mờ bơtàu tơnguh dà lơgar. Bal mờ pơlam gùng dà “lơgar rềp bal niam bơnĕ, gĭt gơ̆p lơh bơyô bơh yau, lơh broă bal tơl làm, kơ̆ kơljap jŏ jòng”, bơta gĭt gơ̆p đah Việt Nam mờ Campuchia neh sùm geh bơt bơtàu mờ bơtàu tơnguh tàm tơl gah, cèng wơl bơta kwơ geh ngan ai làng bol 2 lơgar in, tă pơgồp uă ngan tàm bơta ring lơngai, kơ̆ kơljap, lơh broă bal tàm tiah do mờ tàm dunia.