Tàm dơ̆ pơrjum, ală cau ala măt neh yal wơl dơ̆ tam lơh cui rơcai bơh dơ̆ tam dră lòt lơh gùng, dră wơl rài ling sò tơm pù pờng ală cau ling Kộng sản tàm Hìu jàm Kon Tum geh bơyai lơh bơh ngai 12 tus ngai 16 nhai 12 nam 1931.

Rơcang dră mờ ală cau jàm Kộng sản, cau ling lơgar Tây neh rah phào lơh 15 nă cau phi să mờ 16 nă cau gơtìp sồt să. Dơ̆ dờp khà jờng Khin cha Mpồl ling phào crong Làng bol jào pà Mpồl cau ling kăc màng gơtìp ling sò tơm kŭp jàm tàm Hìu jàm Kon Tum là dơ̆ nàng yal wơl bơhiàn tam lơh jăk chài, pràn kơl dang, bơto bơtê bơhiàn kờñ gơboh dà lơgar, nùs nhơm git ưn ngài uă ngan gơwèt mờ ală rơnàng ồng pàng lài do neh phi să tài bơta khăt gơboh, krơi is. Bơh tŭ hơ̆, lơh geh nùs nhơm pơnyờ să jơi bơtiàn, bồ tơngoh lơh ngan is, pràn is, nùs nhơm tam klăc bal, lơh geh nùs nhơm tàm pơrlòng nàng lơh geh cồng nha lơh sa mpồl bơtiàn tàm càr dê.