VOV4.K’ho- Ngai 26/05, Mpồl đơng lam dà lơgar bè rơcăng sơndră trồ tiah lơh aniai pơgồp bal mờ Ƀộ Thông tin mờ Truyền thông, Mpồl Cau lơh ƀăo Việt Nam bơyai lơh Dơ̆ jàu khà jờng sră ƀăo gùt lơgar bè rơcăng sơndră trồ tiah lơh aniai dơ̆ 2.

Mờ tơngume “Tài dùl mpồl bơtiàn ờdo ờdă tềng đăp trồ tiah lơh aniai- Rơcăng lài gơdờp bal mờ tam gơl trồ tiah”, Khà jờng sră ƀăo gùt lơgar bè rơcăng sơndră trồ tiah lơh aniai dơ̆ 2 neh gơhòi gơ jà bơta tus bal bơh uă anih lơh broă yal tơngĭt jơnau sră ƀăo mờ mpồl ală cau lơh ƀăo, cau cih jơnau, cau sền swì jơnau bơh ală anih ƀăo dà lơgar mờ ƀòn lơgar. Bơh rlau 900 jơnau ƀăo tàm 5 bơta ƀăo, Mpồl bơyai lơh neh rwah geh 35 jơnau ƀăo jak ngan nàng jàu khà jờng tàm dơ̆ bơyai lơh, tàm hơ̆ geh: 4 khà dùl, 5 khà bàr, 10 khà pe, 15 khà pơn jờng mờ 1 khà “Jơnau yal lơh gơrềng pràn ngan rlau jơh”.

Cau mblàng Lơ Mu K’Yến