VOV4.K’ho- Tàm dơ̆ pơrlòng kơnòm dềt pơn rơ jak ală jơi bơtiàn kòn cau gùt lơgar dơ̆ 4, drim ngai 23/9, tàm Hà Nội, Đoàn ơruh pơnu Kộng sản Hồ Chí Minh, Hội đồng Đội dà lơgar bơyai lơh dơ̆ jờng rơ “Kơnòm dềt pơn rơ jak ală jơi bơtiàn kòn cau gùt lơgar dơ̆ 4 nam 2022”.

Ồng Trần Tuấn Anh tus bal dơ̆ bơyai lơh jờng rơ kơnòm dềt pơn rơ jak ală jơi bơtiàn kòn cau gùt lơgar nam 2022

263 nă kơnòm dềt pơn rơ jak bơh 54 jơi bơtiàn kòn cau oh mi geh jờng rơ mờ dơ̆ dờp Ƀằng khen bơh Ƀan Cấp hàñ Đoàn dà lơgar dê. Do là ală đội viên, kơnòm dềt ală jơi bơtiàn kòn cau geh cồng nha jak ngan tàm bơsram, pơlam tàp, jơh nùs tus bal ală srơh broă lơh đội dê; jơh nùs lơh jat tus bal ală anih nhơl, broă lơh jòi git sền gàr, ngui niam bơta niam chài jơi bơtiàn kòn cau bơh Hội đồng Đội dà lơgar lam lơh. Kuơmàng, ală oh ờ mìng là kơnòm bơsram jak uă ngan, mờ gam ai geh uă khà jờng kuơmàng tàm ală dơ̆ pơrlòng.

Cau mblàng K’Duẩn