VOV4.K’ho- Tơnơ̆ 3 ngai bơyai lơh duh hồl ngan mờ uă ngan broă lơh geh kwơ “Dơ̆ lơh chờ Sầu riêng Krông Pách dơ̆ 1 nam 2022” neh tơn jơh tàm mang ngai 03/09. Geh bơyai lơh bơh ngai 1/09 tus ngai 3/09, dơ̆ lơh chờ neh gơ hòi gơ jà pơgap 40 rơbô nă năc lòt nhơl tus Krông Pách.

Dơ̆ tơn jơh dơ̆ lơh chờ Sầu riêng

15 broă lơh tờm bơh dơ̆ lơh chờ dê ndrờm geh kơlôi sơnơng niam ngan gơ lời wơl bơta niam uă ngan ai năc in. Tàm hơ̆, drà kă bro yal tơngĭt ală phan bơna lơh geh bơh suơn sre mờ 200 cơldŭ ràng tăc phan bơh ală mpồl lơh sa kă bro, hợp ták xã lơh sa, lơh gơlik phan, tăc mờ lơgar ndai phan lơh geh bơh suơn sre tàm càr mờ bơdìh càr tus bal gơ hòi gơ jà bơta sền gròi bơh rlau 10 rơbô nă năc tus sền. “Pơrjum hòi jà bơcri priă mờ bơtàu tơnguh phan lơh geh bơh suơn sre, lơh sa suơn sre kơ̆ kơljap kơnhoàl Krông Pách nam 2022”, Ủy ƀan Ñân zân kơnhoàl Krông Pách neh kĭ sră cih kah mờ ală mpồl lơh sa kă bro tus bal dan cih mat bơcri priă 24 rơndap broă lơh gơwèt gah broă nhơl chờ, bơto bơtê, phan bơna, mpồl lơh sa mờ măy mok, lơh gơlik phan lơh geh bơh suơn sre mờ rlau 11 rơbô rơmàn đong.

Cau mblàng K’Hạnh