VOV4.K’ho- Gơrềng tus broă ală mpồl lơh broă rơndap broă lơh gùng Trường Sơn Đông koh kơl is brê 2 nơm Brê Dà lơgar Chư Yang Sin (càr Dăk Lăk) mờ brê BiDoup - Núi Bà (càr Lâm Đồng).

Mpồl lơh broă bơh Quôk hội mờ ală Ƀộ, ngàñ dà lơgar lòt sền,kờp sền, sền sơ wì ù tiah ngan ngồn rơndap lơh gùng Trường Sơn Đông tàm càr Lâm Đồng

Ngai 16/05, Mpồl lơh broă bơh Quôk hội mờ ală Ƀộ, ngàñ dà lơgar lòt sền, kờp sền, sền ù tiah ngan ngồn tàm càr Lâm Đồng dê. Mpồl lơh broă bơh Quôk hội bơh Thượng tướng Trần Quang Phương, Phó Củ tịc Quôk hội lam bồ. Tàm 2 ngai bơh ngai 16 mờ 17 nhai 5, Mpồl lơh broă neh lòt sền, kờp sền, sền sơ wì ù tiah ngan ngồn rơndap broă lơh gùng Trường Sơn Đông, mờ geh dơ̆ lơh broă mờ Ủy ƀan Ñân zân càr Lâm Đồng dê. Lài hơ̆, bè Anih jơnau đơs Việt Nam neh yal, lồi nhai 1 mờ bồ nhai 2 nam 2022, ală anih lơh broă geh gơnoar 2 càr Dăk Lăk mờ Lâm Đồng sền gŏ ală mpồl lơh gùng Trường Sơn Đông neh koh kơl is brê, cò pơn ring rlau 10 kơi sồ gan 2 brê dà lơgar Chư Yang Sin (Dăk Lăk) mờ BiDoup- Núi Bà (càr Lâm Đồng). Bơh sơn rờp sền gĭt ală mpồl lơh broă neh koh kơl brê tŭ ờ hềt geh ai gơnoar tam gơl jơnau kờñ ngui ù brê, bàr pe tiah mut lơh lik bơdìh broă lơh jat jơnau rơndap lơh bơh rơndap broă lơh do dê. Broă do geh tềl tơngŏ tìs mờ adat boh lam kơn jơ̆ ngan.

Cau mblàng K’Hạnh