Tàm pơrjum do, ală kwang bàng tơrgùm cri bơyai bè: jơnau sồr bơ̆t bơtàu Adăt boh lam Atbồ, ngui phào crong, siao bơrtoh mờ phan dong kờl; sồr lơh Adăt tam gơl, bơtơl ờ uă bơta tàm Adăt yal; jơnau cih sră nggal geh ai cih nền nòn mờ bơto sồr lơh jăt ală Adăt, Kơrnoăt sồr, Nghị quyết bơh Quốk hội, Ủy ƀan Thường vụ Quốk hội neh geh tơngai ai ngui adăt boh lam, nghị quyết bơh Quốk hội, Ủy ƀan Thường vụ Quốk hội.

Đơs tàm pơrjum, Thủ tướng ồng Phạm Minh Chính đơs tờm nùs nhơm tơnguh broă lơh niam wơl, koh tơmù uă ngan sră nggal, tơmù jơnau dan – pà, tơmù priă lơh jăt, tam dră mờ bơta ờ niam, ai geh bơta ƀuơn nàng làng bol bal mờ mpồl lơh sa kă bro geh tam pà bơta pràn di pal mờ tơnguh broă jăt sền, sền gròi; sền wơl tơngu me lơi geh lời wơl, tơngu me lơi pal lơh gơs, bơtơl, tơnguh me lơi pal sơbì. Thủ tướng đơs là, ală tơngu me bơh pơrjum do ndrờm là ală tơngu me kwơ màng; ală kwang bàng tơrgùm bơta ngăc ngar, cri bơyai bè ală bơta kwơ màng, gam geh jơnau đơs ờ ndrờm bal, gàr niam tơngai lơh broă, bơta niam bơh pơrjum dê.