Tàm hơ̆, broă tờm là pơgồp bal lam lơh ală broă lơh tơngkah kir sơnrai 15 nam kĭ hơ Jơnau pơrgon kĭ hơ wah nhàr sơntơ̆p jrong nhàr lơgar tàm ù gờl đah Việt Nam mờ Lo, Jơnau hơ bè jơnau pal jăt ătbồ tiah nhàr lơgar tàm ù gờl đah Việt Nam mờ Lo; jơnau geh ngan lam lơh jăt tơrlòng lài, broă rơndăp lơh, gùng dà tŭ tơngai wèt tus lơh ai lơh broă ngan ngồn Tiah ù tiah liang Bản Giốc, lơgar Việt Nam dê mờ Đức Thiên, lơgar Lo dê tàm nam 2024 mờ bàr pe tơngume gơrềng ndai.

Tơngai tus, 2 gah dồ nùs bal rơ̆p pơn jăt tai pơgồp niam tàm mpồl lơh broă Ủy ƀan lơh broă bal tiah nhàr lơgar tàm ù gờl đah Việt Nam mờ Lo, lơh niam broă lơh ătbồ, sền gàr tiah nhàr lơgar, mpồng nhàr lơgar jăt di 03 sră nggal adăt boh lam bè tiah nhàr lơgar tàm ù gờl đah Việt Nam mờ Lo mờ ală jơnau ring bal geh gơrềng, sơlơ lơh broă bal mờ bơtàu tơngguh tàm tiah nhàr lơgar, bơ̆t bơtàu bal gùng tiah nhàr lơgar đah 2 lơgar ring lơngai, lơh bơyô bal, kơ̆ kơl jăp, lơh broă bal mờ bơtàu tơngguh.