Drim do (08/08), tàm Hà Nội geh bơyai lơh Dơ̆ pơrjum mùl màl Cri bơyai kơnòm dềt dà lơgar dơ̆ 7, nam 2023. Tus bal pơrjum cri bơyai kơnòm dềt dà lơgar dơ̆ 7 (geh bơyai lơh bơh ngai 065 tus 08 nhai 08) là 188 nă kơnòm dềt tus bơh uă tiah tàm gùt lơgar. Ală kơnòm dềt là ală cau geh pơnrơ jăk, geh rơwah bơh 43 càr, ƀòn dờng, mpồl lơh broă, ala măt 25 tơlăk nă kơnòm dềt tàm gùt lơgar tus bal pơrjum cri bơyai.

Tàm pơrjum cri bơyai kơnòm dềt dà lơgar dơ̆ do, ală kơnòm dềt geh tìp bal, cri bơyai bal mờ tơlik jơnau đơs bơh să tờm bal mờ jơnau kơ̆p kờñ bơh ală bơyô kis tàm ƀòn lơgar tờm, ơdŭ bơsram, hìu bơsram să tờm dê tus mờ ală kấp đơng lam bè ală broă bơh kơnòm dềt dê. 5 mpồl broă geh ală kơnòm dềt cri bơyai, ai geh jơnau yal mờ jơnau dan nàng cau dờng gơtùi dong kờl ală kơnòm dềt bè: Tus bal rơcang sơndră mờ tam lơh pù pờng; sơgràm aniai kơnòm dềt; tus bal rơcang sơndră mờ tơmù ờ uă ngan rềs àr chơ̆t jê, rềs àr bŭ dà, rềs àr tàm gùng lòt; Tus bal sền gàr kơnòm dềt tàm tiah internet; Tus bal rơcang sơndră mờ tam gơl trồ tiah, kòp gơtờp, rềs àr bơh trồ tiah; Tus bal rơcang sơndră mờ kơnòm dềt lơh broă ờ di mờ kơrnoăt tàm adăt boh lam bal mờ broă ndai tai mờ ală kơnòm dềt geh sền gròi.