VOV4.K’ho - Drim òr (25/08), tàm ƀòn dờng Thanh Hoá, tàm nùs nhơm chờ hờp, geh uă nùs nhơm git gơ̆p, lơh bơyô bal tàm nam tam klăc, git gơ̆p, lơh bơyô bal đah lơgar Việt Nam mờ lơgar Lào, lơgar Lào mờ lơgar Việt Nam nam 2022, càr Thanh Hoá neh bơyai lơh tơnkah 60 nam ngai crơng gơs bơta git gơ̆p, lơh broă bal mờ lơgar ndai đah lơgar Việt Nam mờ lơgar Lào, 45 nam ngai kĭ hiệp ướk git gơ̆p, lơh bơyô bal mờ lơh broă bal đah lơgar Việt Nam mờ lơgar Lào, 55 nam ngai kĭ lơh bơyô bal đah càr Thanh Hoá mờ càr Hủa Phăn.

                                                       Dơ̆ đơs crih tamya tàm pơrjum tơnkah

Tus bal dơ̆ tơnkah geh ală kwang bàng đơng lam, anih lơh broă bal mờ lơgar ndai 2 lơgar Việt Nam mờ Lào; kwang đơng lam, kwang đơng lam lài do bàr càr Thanh Hoá lơgar Việt Nam mờ càr Hủa Phăn lơgar Lào, bal mờ geh gal kwang bàng, cau geh đảng, làng bol, kông ñân, viên cứk, ală mpồl ling, cau lòt bơsram. Đơs tàm dơ̆ pơrjum tơnkah, ồng Đỗ Trọng Hưng, Ƀí thư Tỉñ ủy Thanh Hoá đơs tờm: Lơgar Việt Nam mờ lơgar Lào là bàr lơgar rềp bal, đềt mềr bal, bơnơm, dà dờng geh đềr bal, hùc bal dùl dà dờng Mekong, geh kơl dìng ngkời bal tàm dòr bơnơm Trường Sơn, làng bol bàr lơgar neh ndrờm bal bè bơta chài rơgơi, geh uă nùs nhơm kờñ gơboh, broă lơh git gơ̆p bal, neh bơ̆t bơtàu broă tam klăc bal, đềt mềr bal jŏ rài.

Cau mblàng Ndong Brawl