Chờ drà geh lơh bal mờ 300 cơldŭ ràng tăc phan bal mờ ală phan bơna li la, rơ̆ ru bè bơta phan mờ bơta niam, tus bơh 120 mpồl lơh sa kă bro, anih lơh gơlik phan lơh sa kă bro geh bơngă pin dờn tus bơh 12 càr mờ ƀòn dờng bơh ală lơgar: Việt Nam, Campuchia mờ Lào. Chờ drà gam geh sền là bơta tờm kwơmàng ngan tàm broă chồl tơngguh gĭt gơ̆p cribơyai broă mờ lơgar ndai, lơh broă bal bơtàu tơnguh lơh sa, kă bro phan đah càr An Giang, lơgar Việt Nam mờ 02 càr: Takeo, Kandal lơgar Campuchia dê bal mờ jơnau kờñ tơngguh tai tăc mờ lơgar ndai phan bơna kă bro tàm drà ală lơgar Asean đơs bal, ală lơgar tiah dềt dà dờng Mekong đơs is.

Is ồn, chờ drà nam do gam geh bơta tus bal bơh càr Champasak, lơgar Lào dê, bơh hơ̆ pơgồp bơnah sơlơ tơngguh tai mờ lơh pràn bơta gĭt gơ̆p lơh broă bal ờs mờng bơh yau niam bơnĕ đah lơgar Việt Nam, Lào, Campuchia đơs bal mờ đah càr An Giang bal mờ ală càr: Champasak, Takeo, Kandal đơs is.