VOV4.K’ho - Drim ngai 12 nhai 10 tus tàm Hà Nội geh bơyai lơh dơ̆ tơnkah ngai cau lơh sa kă bro Việt Nam (13/10) mờ pơn jờng “Cau lơh sa kă bro geh pơnrơ jăk” nam 2022.

Củ tịc VCCI ồng Phạm Tấn Công pơrjum ƀăo

Do là jơnau yal geh ai tơlik tàm dơ̆ pơrjum ƀăo drim òr (06/10) bơh Mpồl Kă bro mờ Lơh sa mờ măi mŏk Việt Nam dê (VCCI). Tàm dơ̆ pơrjum ƀăo yal, Củ tịc VCCI ồng Phạm Tấn Công yal mpồl ală broă lơh geh kwơ màng mùl màl chờ gờm Ngai cau lơh sa kă bro Việt Nam ngai 13 nhai 10 nam do. Tàm hơ̆, pal kah ngan geh 2 broă lơh kwơ màng là Pơrjum cri bơyai khoa họk “Nùs nhơm cau lơh sa kă bro mờ bơta chài rơgơi kă bro Việt Nam tàm bơta pa” mờ dơ̆ tơnkah Ngai cau lơh sa kă bro Việt Nam mờ pơn jờng “Cau lơh sa kă bro Việt Nam geh pơnrơ jăk” nam 2022. Mpồl bơyai lơh tàm dơ̆ pơrjum ƀăo kung pà git bè “jơnau ràng tơlik” pa bơh mpồl cau lơh sa kă bro Việt Nam geh pơnrơ jăk do. Jăt mờ hơ̆, jơnau ràng tơlik geh 6 gah ai geh rùp rài 6 khà broă jăt kơrnoăt nùs nhơm cau lơh sa kă bro Việt Nam geh VCCI yal: Ai geh bơta kwơ lơh sa ai mpồl bơtiàn in; Lơh jăt adăt boh lam; Loh làng, Ndrờm bal, ờ geh bơta lơi; bơceh lơh, lơh broă bal; tơnguh bơtàu bal; Git jơnau mờ ù tiah geh is, sền gàr tiah kis; Gơboh mờ dà lơgar, geh kơnòl mờ mpồl bơtiàn mờ hìu nhă.

VOV.vn- Cau mblàng Ndong Brawl