Tàm kơnhoàl tiah nhàr dà lơgar Ia H’Drai, càr Kon Tum, Ƀan Ƀí thư Đoàn Ơruh pơnu Kộng sản Hồ Chí Minh Dà lơgar neh jàu pà broă lơh sa kờp priă 2 tơmàn đông dong kờl ai càn priă geh dong kờl priă cồng nàng đoàn viên, ơruh pơnu tàm ƀòn lơgar bơtàu tơnguh lơh sa; pà 20 bơnah priă dong kờl bơsram, tơl bơnah geh 2 tơlak đông ai ală kơnòm bơsram rƀah bơsram jak in; jàu 30 bơnah phan pà ai cau lơh phan Kông ty TNHH MTV Kau su Chư Mo Ray mờ Kông ty Kổ phần Kau su Sa Thầy in.

Tàm Broă lơh “Nam pa tiah nhàr dà lơgar – Sa tềp bồt bơlàu” gơ jat bal mờ sền gròi sa tềp ai ơruh pơnu cau lơh phan, cau lơh broă in geh lơh tàm xã Mô Rai, kơnhoàl Sa Thầy, Ƀan Ƀí thư Đoàn Ơruh pơnu Kộng sản Hồ Chí Minh dà lơgar jàu pà 20 bơnah phan ai cau geh bơngă pin dờn tàm tiah làng bol jơi bơtiàn dồ êt nă cau; pà 2 nơm măi vi tíñ, loa ntrờn làm bă tiah ai Đoàn xã Mô Rai in. Di sa tềp bơhiàn yau jơi bơtiàn dê, Ƀan Ƀí thư Đoàn Ơruh pơnu Kộng sản Hồ Chí Minh Dà lơgar bal mờ Tỉñ đoàn càr Kon Tum lòt còp, nting bơr sa tềp, pơn jờng nùs nhơm, pà ală phan geh kuơ ai kwang bàng, cau ling kwang àng xã Ia Dom mờ Pôs ling sền gàr tiah nhàr dà lơgar Ia Dom, kơnhoàl Ia H’Drai.