Jat jơnau ring bal lơh broă bal, tơngai bơh nam 2023 tus nam 2026, 2 gah rơp tơrgùm pơgồp bal lam lơh ală broă lơh dong kờl tam gơl sồ ai đoàn viên, ơruh pơnu in mờ pơlam ală bơta chài kă bro tàm bơnàng jă sồ, ngan là ơruh pơnu ƀòn lơgar. Vietnam Post pơgồp bal mờ Đoàn dà lơgar bơto bơtê ai mpồl ơruh pơnu tàm gùt lơgar in tơnguh jơnau git wă bè tam gơl sồ, mờ kung pơlam ală bơta chài pal geh tàm kă bro tàm ală bơnàng jă sồ: ngui ală măi mok marketing pa, bơta chài livestream tac phan, lơh gơs tơngume rùp hin phan bơna tơl khà marketing, atbồ mờ dong kờl cau blơi phan…

Vietnam Post rơp dong kờl đoàn viên ơruh pơnu tàm gùt lơgar pờ anih tac phan tàm anih tac bro điện tử Postmart.vn. Bơdìh hơ̆ tai, Vietnam Post kung rơp dong kờl mblàng yal jơnau, yal tơnggit ală broă lơh bơh Đoàn dê, ală phan OCOP, phan sơn đờm mut lơh broă bơh ơruh pơnu dê bơh mpồl lơh broă Đoàn yal tơnggit tàm ală anih ƀưu kụk lơh broă kâp xã, kơnhoàl, càr mờ tàm ală anih tac phan online bơh Vietnam Post dê.