VOV4.K’ho- Tỉñ đoàn Dăk Lăk pa bơyai lơh broă lơh tìp mat đah Đoàn Ơruh pơnu Kộng sản Hồ Chí Minh càr Dăk Lăk, lơgar Việt Nam mờ Đoàn Ơruh pơnu làng bol kac màng Lào càr Champasak, lơgar Lào.

Gùt anih tìp mat

Ală kwang bàng đoàn bơh 2 càr dê neh yal tơnggit bè broă lơh sa- mpồl bơtiàn, broă lơh đoàn mờ srơh ơruh pơnu bơh 2 càr dê tàm 5 nam do.Tàm pơ gơl, cribơyai cồng nha broă lơh mblàng yal, bơto bơtê ai kwang bàng đoàn, đoàn viên, ơruh pơnu, kơnòm dềt in tàm broă lơh jat ală gùng dà, broă lơh bơh Đảng, bơta dong kờl, adat boh lam bơh Dà lơgar dê, Hiệp địñ lơh broă bal neh kĭ đah kwang đơng lam bồ Đảng, Dà lơgar Việt Nam- Lào, Lào- Việt Nam; git gơp lơh bơyô, nùs nhơm tam klac bal kuơmàng Việt Nam- Lào, Lào- Việt Nam, đah càr Dăk Lăk mờ càr Champasak. Gơnoar broă bơh mpồl lơh broă Đoàn dê tàm broă lòt bal, dong kờl ơruh pơnu ngui niam bơta bơceh pa, lam lài, tus bal bơtàu tơnguh lơh sa, niam chài, mpồl bơtiàn, sền gàr dà lơgar, sền gàr lơngăp lơngai.

Cau mblàng K’Duẩn