VOV4.K’ho - Ngai òr (20/03), Ƀan Ƀí thư Đoàn ơruh pơnu dà lơgar Hồ Chí Minh tìp măt kơnòm bơsram, cau bơsram dờng pơnrơ jăk tàm broă lơh dong kờl oh lòt bơsram- Kòn ròng pôs ling sền gàr tiah nhàr dà lơgar”.

       Đoàn ơruh pơnu dà lơgar Hồ Chí Minh tìp măt mờ ờ uă kơnòm bơsram- cau bơsram dờng pơnrơ jăk

Bơh nam 2016 lơh jăt broă “Dong kờl oh lòt bơsram”, pah nam, Đảng ủy, mpồl đơng lam ling sền gàr tiah nhàr dà lơgar dờp ròng siam mờr 3 rơbô nă kơnòm bơsram, mờ khà priă dong kờl tơl nă oh geh 500 rơbô đong tàm 1 nhai tus tàm tŭ jơh bơsram ơdŭ 12, mờ khà priă bơh kwang bàng, cau ling tă is nàng dong kờl. Bơh 2 nam lơh jăt, cau ling sền gàr tiah nhàr dà lơgar pơn jăt tai lơh jăt broă dờp ròng siam kơnòm bơsram geh rài kis gơtìp kal ke nàng ròng siam tàm ală pôs ling mờ măt sơnđan là “Kòn ròng pôs ling sền gàr tiah nhàr dà lơgar”. Kwang bàng pôs ling sền gàr tiah nhàr dà lơgar bơto bơtê tơn ală kơnòm bơsram gơs cau gơlòng sồr, làng bol geh kwơ mpồl bơtiàn dê.

Cau mblàng Ndong Brawl