Jat jơnau yal, kờp jơh phan lơh geh tàm ù tiah bòn dờng dê (GRDP) bơh gah lơh sa sươn sre ƀòn dờng Hồ Chí Minh dê nam 2022 là mờr 8 rơbô 400 tơmàn đong, gơguh 3,74% pơndrờm bal dùl tŭ mờ nam lài. Priă lơh geh bơh mpồl phan bơna tờm lơh geh mờr 13 rơbô tơmàn đong. Broă tơrgùm lơh pràn jat gùng dà broă lơh lơh sa suơn sre tiah drà geh jờng rơ uă mơya kung gam ờ hềt lơh geh bè bơta kơ̆p gơn.

Jat ồng Võ Văn Hoan, Phó Củ tịc Ủy ƀan Ñân zân ƀòn dờng Hồ Chí Minh, gah lơh sa suơn sre ƀòn dờng dê pal sền song tàm ală bơta ờ hềt pràn, pal lơh ngan ngồn broă lơh rơndap broă lơh sơl tìl phan tam, phan ròng. Bơdìh tơrgùm broă ngui kông nghệ kao phan bơna lơh sa suơn sre tiah drà dê, den tam gơl sồ nàng yal tơngĭt tơnguh uă bơta kwơ phan bơna dê... Nàng lơh geh bơta do, gah lơh sa suơn sre ƀòn dờng Hồ Chí Minh tŭ geh broă jàu pal pơgồp bal mờ broă lơh dong kờl mpồl lơh sa kă bro, hìu bơnhă cau lơh broă sa in.