VOV4.K’ho- Mìng gam ết ngai tai là tus Sa tềp Trung thu, tơngai do, drà kă bro phan nhơl drơng ngai sa tềp tàm Gia Lai gam duh hồl ngan, ală gah phan nhơl ai kơnòm dềt in geh ràng tăc mờ uă ngan phan, lila bê broă mòn lơh, rùp să.... mơta ờ geh phan nhơl lơh mờ tê ờs mờng dê. Jat bơta jat sền bơh cau lơh băo dê tàm ală anih ràng tăc phan nhơl ai kơnòm dềt in tàm gùng Phan Đình Phùng, sơnah ƀòn Tây Sơn, ƀòn dờng Pleiku ală ngai do năc lòt uă ngan nàng blơi phan nhơl. Phan nhơl Trung thu nam do mẫu mã uă lila, giă priă gơguh dùl ết pơndrờm mờ nam lài pơgap 10%. Bulah bè hơ̆, tàm ală anih ràng tăc phan nhơl gơ lơh bè ờ geh phan nhơl lơh mờ tê ờs mờng dê.

Uă mè bèp sac rơwah đèng gŭ ngui pil nàng blơi ai oh kòn in nhơl Trung thu

Cau tờm anih ràng tăc phan mò Đặng Thị Thùy Dương, pà gĭt, gah phan tăc uă ngan rlau jơh là đèng gŭ ngui pil mờ giă tam gơl bơh 50 rơbô đong tus 140 rơbô đong dùl nơm jat ală bơta. Ală gah phan bè phan srồm muh mat đù ală rùp cau hoạt hình geh bơh 20 rơbô đong tus 25 rơbô đong dùl nơm; bồ đăng grài geh giă bơh 150 rơbô đong tus rlau 1 tơlak đong jat tơl ală bơta...

Cau mblàng K’Hạnh