Jat kụk dia càr Dăk Nông yal, 9 nhai do, kờp jơh priă dia lùp geh 1 rbô 962 tơmàn đông, ndrờm 66,4% khà kờp dŭ dà lơgar jàu mờ ndrờm 75,8% pơn drờm mờ dùl tŭ bal nam lài. Lùp dồs priă dia nam do gơmù uă tài gơ rềng bơh uă bơta. Tàm hơ̆, càr gam lam lơh uă broă lơh ờ sa priă dia, tơrmù, tơn jŏ tơngai lùp dồs priă dia nàng ală mpồl lơh sa kă bro in bơtàu tơnguh wơl lơh sa kă bro. Mìng is broă tơrmù 50% dia sền gàr tiah ơm kis neh lơh gơmù 100 tơmàn đông priă dia bơh 9 nhai dê. Bal mờ hơ̆, broă tơrmù 30% dia ù nam 2022 dê, broă tơrmù dia ală bơta phan neh lơh gơmù dia 120 tơmàn đông. Kuơmàng, drà kă bro ù tiah hìu đam ờ duh hồl, broă lơh tac bro ù tiah hìu đam tàm càr gơmù neh lơh gơ rềng uă ngan tus lùp dồs priă dia bơh ù tiah càr dê. Mùl màl tàm 9 nhai, lùp dồs priă dia bơh priă ngui ù mìng geh 246 tơmàn đông, ndrờm 28,4% khà kờp dŭ càr dê, ndrờm 41,5% pơndrờm dùl tŭ bal nam lài. Gah dia càr Dăk Nông gam lơh ngan lam lơh ală broă lơh bơ tơl wơl ală bơnah lùp dồs priă dia, gàr niam broă lùp dồs priă dia nam 2023 jat broă rơndap lơh.