VOV4.K’ho- Drim do, 18/01, tàm Hà Nội, mut pơrjum dơ̆ 7 bơh Ủy ban Thường vụ Quôk hội. Tàm dơ̆ pơrjum do, Ủy ƀan Thường vụ Quôk hội geh ai jơnau đơs tàm uă tơngume kuơmàng. Bè broă lơh bơt bơtàu adat boh lam, tàm dơ̆ pơrjum do, Ủy ƀan Thường vụ Quôk hội ai jơnau đơs bè: Broă mblàng lơh loh, cih dờp, bơsir rơndap lơh Adat tàm pơrlòng, pà khà jờng (tam gơl) ; sồr bơ tơl jơnau rơcang cih Nghị quyết bơh Quôk hội dê lam lơh tơrlòng lài broă lam lơh broă, pơlam jòi broă lơh, bơto bơtê broă lơh ai cau tìs bơdìh hìu jàm in tàm Broă lơh bơt bơtàu adat boh lam, kơrnuat boh lam nam 2022; sền sơ wì, lơh nền broă lam lơh phan soh cah rơña bơh Hội thẩm ñân zân dê.

Bè ală broă lơh sa mpồl bơtiàn, Ủy ƀan Thường vụ Quôk hội ai jơnau đơs bè broă bơtơl broă rơndap lơh priă bơcri lơgar ndai bơh khà priă bơcri ờ hềt tam pà mờ bơsir, kờp dŭ bè broă rơndap lơh bơcri priă dà lơgar di mơ tơngai priă bơcri kes priă dà lơgar tơngai bơh nam 2021 tus nam 2025 ai mat ală rơndap broă bơh ală ƀộ, anih lơh broă dà lơgar mờ kấp hơ đơm dê (dơ̆ 2). Bal mờ hơ̆, tàm dơ̆ pơrjum do, Ủy ƀan Thường vụ Quôk hội geh sền sơ wì yal broă lơh sền sơ wì jơnau đơs làng bol nhai 12 nam 2021 bơh Quôk hội dê; rơndap broă rơndap sap sèng mpồl lơh broă tàm dơlam mờ ƀiên cế bơh Cơldŭ lơh broă Quôk hội dê mờ ai jơnau đơs bè tơn jơh pơrjum nisơna dơ̆ 1, Quôk hội khóa 15.

Cau mblàng K’Duẩn