VOV4.K’ho- Pơn jăt tai broă Pơrjum tơngume adat boh lam nhai 09, drim do 20/09, Ủy ƀan Thường vụ Quôk hội ai jơnau đơs bè rơndăp broă lơh Adat Hợp tak xã (tam gơl) geh 12 tăp, 117 Bơta. Rơndăp broă lơh Adat rề ơnàng cau tus bal tàm hơ̆ geh cau dùl nă să is bơh 15 sơnam rlau hơđang, mpồl lơh broă bal, mpồl ờ geh dà lơgar dờp; cau lơh bal geh tă pơgồp bal priă jền, cau lơh bal ờ tă pơgồp bal priă jền; mơkung bơtơl kơnòl bơh mpồl lơh sa lơh broă bal geh dà lơgar dờp pal tơmŭt cau tàm mpồl tŭ tơl ală jơnau sồr. Rơndăp broă lơh Adat kung lơh sir ală jơnau cih bè broă mpồl lơh sa lơh broă bal, mpồl ala măt.

Tàm hơ̆, mpồl lơh broă bal geh cih loh geh ờ geh dà lơgar dờp, lơh sră cih mat tàm Anih lơh broă lơh sră cih mat dan kă bro kâp kơnhoàl; ală mpồl hợp tak xã là mpồl lơh sa geh broă lơh kâp kơnhoàl ù tiah, kâp dà lơgar tàm ală broă lơh, gah broă lơh, ală broă lơh lơh broă ờs mờng uă. Kung tàm ngai do sơl, Ủy ƀan Thường vụ Quôk hội ai jơnau đơs tàm rơndăp broă lơh Adat Tàm pơrlòng giă (tam gơl).

Cau mblàng Lơ Mu K’Yến