Broă lơh “Điện Biên Phủ - Kơ̆p kờñ dà lơgar” geh Đoàn Ơruh pơnu Kộng sản Hồ Chí Minh bơyai lơh geh bơyai lơh bơh ngai do 24 nhai 4 tus ngai 27 nhai 4 nam 2024 mờ ală broă lơh bè còp, pà phan, ưn ngài ală hìu nhă cau ling yau Điện Biên, hìu nhă cau geh màng mờ dà lơgar, Cau Mè Việt Nam khin cha jăk chài, chu ñàng kah kơlôi ală Cau ling Khin cha jăk chài.

Drim do (24/4), tàm tiah tềl kah yau rài lài do Ñjrong bồng bi Hà Nội, geh bơyai lơh Lòt jăt broă lơh “Điện Biên Phủ - Kơ̆p kờñ dà lơgar”. Tàm broă lơh, 3 broă lơh geh sơn đờm bơh tàm ală càr, ƀòn dờng mờ tơrgùm bal tàm ƀòn dờng Điện Biên Phủ, càr Điện Biên tàm ngai 26 nhai 4 tus. Mờ tơl càr, ƀòn dờng geh lòt gan, ală kwang bàng tus bal broă lơh geh sĕ còp, chu nàng tàm ală tiah tềl kah yau rài lài do; còp, pà phan ală hìu nhă geh màng mờ dà lơgar, hìu geh sră dong kờl bơh dà lơgar, ai ngui, jào pà ală broă lơh ơruh pơnu ai ală hìu nhă, kơnòm bơsram geh rài kis gơtìp kal ke in. Kờp jơh khà priă dong kờl càr Điện Biên mờ ală càr tàm broă lơh do là rơlao 7 tơmàn 600 tơlăk đong.