Geh bơyai lơh bơh ngai do, 08/12 tus ngai 10 nhai 12, do là dơ̆ sơn rờp dơ̆ ràng tơlik Sền gàr dà lơgar Dunia geh bơyai lơh tàm lơgar he. Jat broă rơndap lơh, tàm dơ̆ sơnđờm mŭt lơh mpồl ling klàng rơndeh par làng bol Việt Nam geh par ràng tơlik gờm chờ bơyai lơh dơ̆ ràng tơlik dê. Bơh ràng tơlik mờ bơta tus bal bơh uă mpồl rơndeh par kwơ màng bơh rơndeh par duk mờ rơndeh par tiêm kíc SU-30MK2 tàm bơta par jơnhoa lơyah tềng hơđang kơlwàng trồ càr lơgar Hà Nội dê.

Dùl tàm ală dơ̆ ràng tơlik hơ̆ là dơ̆ par mpồl rơndeh par duk 2 nơm, 4 nơm săp sèng gơs rùp thoi pơgồp bal mờ mpồl rơndeh par tiêm kíc bơh Trung đoàn 927 dê. Krơi mờ ală dơ̆ par lòt sền, sền gròi hơđang kơlwàng trồ dà lơgar dê, dơ̆ do, ală rơndeh par par tàm kơlwàng nggùl trồ Hà Nội geh cèng bal bơta pơn yờ să bè bơta pràn mờ bơta jak chài bơh Mpồl ling rơndeh par Việt Nam dê nàng lơh geh ală dơ̆ ràng tơlik niam ngan gơwèt mờ làng bol bal mờ gơ̆p bơyô dunia dê.