Tus bal broă lơh do geh ală cau ala măt kwang đơng lam bồ ală ƀộ, mpồl, gah lơh broă, mpồl cau Dà lơgar mờ pơgăp 300 nă cau ala măt ai ală gah ơruh pơnu in. Broă lơh tơm bơh bơr tơrgùm tàm ală mpồl broă tờm, hơ̆ là: ală gùng dà, broă lơh Dà lơgar dê bè tam gơl sồ dà lơgar; lơh jăt niam gơnoar broă, kơnòl broă bơh ơruh pơnu dê tàm broă lơh tam gơl sồ dà lơgar.

Bal mờ hơ̆ là, adăt boh lam, broă dong kờl, bơta pràn bơh Dà lơgar dê tàm broă dong kờl, lơh jăt gơnoar broă, kơnòl broă bơh ơruh pơnu dê tàm broă lơh jăt ală jơnau kờñ bơh Broă lơh tam gơl sồ dà lơgar dê; jờng rơ bơta tus bal, tă pơgồp bơh ơruh pơnu pơnrơ jak dê tàm bơtàu tơnguh lơh sa- mpồl bơtiàn, bơ̆t bơtàu mờ sền gàr Dà lơgar. Tàm dơ̆ lơh broă lơh do, Thủ tướng Cíñ phủ jờng rơ ală Muh mat kơnòm să Việt Nam pơnrơ ngan mờ Muh mat kơnòm să Việt Nam gơn kơnờm bơtàu tơnguh nam 2023.