Tàm drim do, Ủy ƀan Thường vụ Quốk hội pơgồp jơnau đơs bè rơndăp broă lơh Adăt Prăp gàr (tam gơl). Adăt Prăp gàr geh ai lơh jăt tàm nam 2011 neh ai geh tơngu me adăt boh lam kwơ màng nàng ring bal atbồ broă prăp gàr tàm gùt lơgar. Kung tàm ngai do, Ủy ƀan Thường vụ Quốk hội pơgồp jơnau đơs bè rơndăp broă lơh Adăt Bơyai broă Anih cah rơña làng bol (tam gơl); pơgồp jơnau đơs bè broă rơcang pơrjum dơ̆ 6 bơh Quốk hội dê.

Ủy ƀan Thường vụ Quốk hội kung sền wơl ală jơnau yal bơh Cíñ phủ, Anih cah rơña làng bol dờng rơlao jơh, Anih sền gròi ai ngui kơrnoăt boh lam làng bol dờng rơlao jơh, Kờp sền dà lơgar bal mờ jơnau yal bơh Tổng Thư ký Quốk hội tơrgùm tơngu me lùp sền bè broă lơh jăt ờ uă nghị quyết bơh Quốk hội Khoă XIV dê bè broă jăt sền broă lơh, lùp mờ hơ jơnau lùp bal mờ nghị quyết bơh Quốk hội bè broă jăt sền broă lơh, lùp mờ hơ jơnau lùp bơh bồ tơngai lơh broă khoă XV tus jơh pơrjum dơ̆ 4.