Jat jơnau yal, tus tŭ do, Yên Bái geh 18 tàm 19 broă geh jàu lơh gơtùi mờ sơrlèt rlau jơnau kờñ mờ Nghị quyết pơrjum dờng dơ̆ XIX Đảng ƀộ càr ai  tơlik, geh 1 broă geh jàu pal tơr gùm sồr lơh jơh nùs mờ geh broă lơh pràn nàng lơh gơs là khà jơm glòm brê bơh 63% tus 65%. Đơs tàm dơ̆ lơh broă, Duh broă sùm Ƀan Ƀí thư mò Trương Thị Mai neh cih dờp, jờng rơ, đơs niam ală bơta pơn đơl pràn lơh ngan bơh Đảng ƀộ càr Yên Bái dê neh sơrlèt gan kal ke nàng gơtùi lơh geh ală cồng nha kuơmàng tàm nggùl tơngai lơh broă pa do. 

Tàm hơ̆, pơn rơ ngan là Yên Bái neh jơh nùs tơrgùm lam lơh niam broă lơh pơlam, lơh jat ngan ngồn, đơng lam lơh jat Nghị quyết. Mờ kung đơs sùm, bơh tŭ do tus lồi tơngai lơh broă, Yên Bái pal sền gròi lam lơh ală broă lơh lùp dồs priă dia, gàr niam jơnau kờñ geh ai tơlik; sền gròi tơnguh bơta niam bơto bơtê cau lơh broă; tơnguh niam rài kis phan bơna mờ nùs nhơm bơh làng bol jơi bơtiàn dùl êt nă cau dê. Pal bơto pơlam, bơto bơtê gơtùi lơh jat jơnau sồr kơnòl broă.