Yal tàm dơ̆ lơh broă, ồng Lê Thành Đô, Củ tịc Ủy ƀan Ñân zân càr Điện Biên pà git, càr gam tơrgùm lam lơh 18 rơndap broă lơh niam wơl tiah drà drơng tơngkah 70 nam tam lơh pha lin Điện Biên Phủ. Tus tŭ do, geh 5 rơndap broă neh sơn đờm lơh, kờp dŭ lơh gơs lài mờ ngai 10/4 tus do; mìng is rơndap broă lơh Hìu nac càr neh lơh gơs bơh 80% khà broă rlau hơđang, kờp dŭ lơh gơs jơh tàm nggùl nhai 4 tus nàng rơcang wă rò, drơng kwang bàng mờ nac lòt nhơl in tàm dơ̆ tơngkah 70 nam tam lơh pha lin Điện Biên Phủ.

Đơs tàm dơ̆ lơh broă, bơdìh mờ cih dờp ală broă lơh ngan bơh càr Điện Biên dê tàm broă lơh rơcang lài ală bơta pal geh nàng drơng dơ̆ tơngkah in, mò Trương Thị Mai kung sồr ală anih lơh broă tă pơgồp jơnau đơs pal geh jơnau rơcang lài bal bơh dơ̆ tơngkah dê dồ bă mùl màl, wil tơl.