Tàm dơ̆ wă, Duh broă sùm Ƀan Ƀí thư ồng Lương Cường đơs nền dơ̆ lòt còp dong sơlơ lơh kơ̆ kơljap rau tai bơta git gơp tam klac bal ờs mờng đah bàr Đảng, bơta git gơp lơh bơyô lơh broă bal uă gah đah 2 Dà lơgar mờ làng bol 2 lơgar Việt Nam – Bồ Đào Nha, wèt tus tơngkah 50 nam ngai lơh bơta git gơp cribơyai broă mờ lơgar ndai 2 lơgar tàm nam 2025. Đơs nền, Đảng Kộng sản Bồ Đào Nha sùm sền dờng màng bơta git gơp tam klac bal ờs mờng mờ Đảng Kộng sản Việt Nam, Tổng Ƀí thư Đảng Kộng sản Bồ Đào Nha đơs nền kờñ pơn jat tai tă pơgồp tàm broă sơlơ tơnguh tai bơta git gơp lơh bơyô mờ lơh broă bal niam bơnĕ đah 2 Đảng, 2 dà lơgar mờ làng bol 2 lơgar Việt Nam – Bồ Đào Nha, kung bè bal mờ Đảng Kộng sản Việt Nam pơgồp bơnah lơh kơ̆ kơljap srơh Kộng sản mờ cau lơh phan ală lơgar.