VOV4.K’ho- Tàm dơ̆ lòt còp lơgar Hàn Quôk bơh Mpồl ala mat Kwang bàng Kâp dờng Đảng Kộng sản Việt Nam, Ủy viên Ƀộ Cíñ trị, Duh broă sùm Ƀan Ƀí thư ồng Võ Văn Thưởng mờ Mpồl kwang bàng neh geh dơ̆ cribơyai broă mờ ồng Han Duck- soo, Thủ tướng lơgar Hàn Quôk dê.

Duh broă sùm Ƀan Ƀí thư ồng Võ Văn Thưởng neh yal ală jơnau sồr nàng kờñ sơlơ tơnguh bơta gĭt gơ̆p 2 lơgar, tàm hơ̆ geh sơlơ tàm pơgơl mpồl kwang bàng kâp dờng lòt còp bal mờ gơ̆p, bơtàu tơnguh bơta gĭt gơ̆p đah Đảng Kộng sản Việt Nam mờ ală đảng cíñ trị lơgar Hàn Quôk dê, rề ơnàng lơh broă bal đah ală ƀộ, ngàñ, ală tiah, tìp măt lơh kwèng bal đah làng bol 2 lơgar, sơlơ bơcri priă bơh ală mpồl lơh sa kă bro lơgar Hàn Quôk dê tàm Việt Nam, sền gròi broă tàm jàu măy mok mờ bơtàu tơnguh lơh sa mờ măy mok dong kờl ndai, bơtàu tơnguh kă bro đah 2 gah jăt gùng dà ring bal, rề ơnàng lơh broă bal lơh broă, sền gròi tus làng bol lơgar Việt Nam.

Cau mblàng Lơ Mu K’Yến