Đơs tàm dơ̆ lơh broă, ồng Lương Cường sồr, Mpồl Mblàng yal Bơto bơtê Đảng Dà lơgar pal tơrgùm gĭt nền broă gơrềng tus broă lơh mblàng yal bơto bơtê, rơcăng lài, kơlôi sơnơng tă pơgồp jơnau đơs jơnau dan bè broă lơh bơ̆t bơtàu Đảng, bè cíñ trị, bồ tơngoh nùs nhơm. Mơkung kờñ pal pơgồp bal mờ ală anih lơh broă geh gơrềng nàng tă pơgồp jơnau đơs, dan bơ̆t bơtàu mpồl, kwang bàng.

Duh broă sùm Mpồl đơng lam Đảng Dà lơgar ồng Lương Cường đơs là, pal tơngguh rlau tai broă lơh yal tơnggĭt, mblàng yal nàng kờñ lơh geh bơta ring bal uă tàm Đảng mờ jơh gùt mpồl bơtiàn, kơ̆ dơn nùs nhơm đòm jăt bơceh lơh Gùng dà Mác- Lê Nin mờ bồ tơngoh Hồ Chí Minh dê tàm bơta pa. Pal gàr bơta pal jăt, kơ̆ dơn nùs nhơm lòt bal mờ đòm jăt tam gơl pa, bơtàu tơngguh bơceh lơh, ờ gŏ di đơs gời tàm sră pơ àr, kơldang nùs, lơyah lơyài, ờ rơcăng duh nùs. Pơn jăt tai lơh niam rlau tai kơnòl broă broă lơh he dê tàm tơngai tus.