Dơ̆ pơrlòng geh lơh bơh ngai 18/09 tus 22/10, bơyai lơh pờ tơlik tơn tàm internet tàm pang yal tơnggĭt jơnau điện tử https://cuocthi2024.tietkiemnangluong.com.vn. Tơnggume jơnau lùp geh ală jơnau bè ngui đèng tềm pềr mờ geh cồng nha tàm hìu bơnhă, tàm ală gah lơh sa mờ măy mŏk, bơ̆t bơtàu, gùng lòt jun pơndiang phan; broă dong kờl năng lượng, broă lơh Jiơ Plai ù…

Tàm Dăk Lăk, jơh ală kwang bàng, cau lơh phan gah đèng tàm jơh gùt càr ndrờm tus bal jơh 5 dơ̆ pơrlòng. Mờ tơl nă kwang bàng kung hòi jà bơh 2 nă cau tàm hìu bơnhă tus bal. Dơ̆ pơrlòng neh lơh gơlik geh nùs nhơm duh hồl, pơgồp bơnah tơngguh uă bơta gĭt wă mờ bơto yal jơnau gĭt wă bè broă ngui năng lượng dồ bă tềm pềr, geh cồng nha mơkung hòi jà ală anih lơh broă, mpồl lơh sa kă bro mờ mpồl bơtiàn jơh nùs lơh jăt ală broă lơh tơrmù ngui năng lượng, sền gàr phan kwơ geh is brê bơnơm mờ tiah ơm kis.