Ngai chờ sơn đờm mut lơh broă tam gơl pa, bơceh lơh là broă ờs mờng pah nam lời ai mpồl bơtiàn sơn đờm mut lơh broă bơceh lơh, gơ wèt Rơndap broă Dong kờl ală mpồl sơn đờm mut lơh broă tam gơl pa bơceh lơh dà lơgar tus nam 2025 (gam hòi là rơndap broă lơh 844 bơh Thủ tướng Cíñ phủ dê).

Nam do, tàm Dăk Lăk, broă lơh geh bơyai lơh uă broă lơh bè: Ràng tơlik mờ yal tơnggit 150 anih ràng phan sơn đờm mut lơh broă, phan OCOP, phan lơh sa mờ măi mok ƀòn lơgar geh pơn rơ mờ ală phan bơna drơng lòt nhơl càr in. Cribơyai ală mpồl yal tơnggit jòi broă lơh mờ sơn đờm mut lơh broă tam gơl pa bơceh lơh. Pơlam lơh sră nàng crơng gơs mpồl lơh sa kă bro, pơlam lơh sră, yal dia, yal tơnggit ai càn priă geh dong kờl priă cồng, dong kờl ngui akhar kĭ sồ, phần mềm kế toán mpồl lơh sa kă bro. Ală pơrjum gơ rềng tus dong kờl mpồl lơh sa kă bro gơ dờp, bơtàu tơnguh wơl; tàm tơrbŏ đah lơh gơlik mờ tac phan lơh gơs; broă lơh gơlik phan bơh suơn sre niam.