Di dơ̆ do, Tỉñ đoàn Dăk Lăk lam kham sơm kòp, pà sơnơm ờ sa priă mờ bơto pơlam sền gàr pràn kơl dang să jan ai gĭt nđờ rơhiang nă làng bol in, pà gĭt nđờ jơ̆t bơnah phan pà ai hìu bơnhă cíñ sác in, sơnđờm lơh 1 nơm hìu ơm nùs nhơm kờñ gơboh kòn bơnus, jàu 3 nơm hìu nùs nhơm kờñ gơboh kòn bơnus ai hìu bơnhă cau ling yau lam lài in; tìp mat lơh kuèng tàp pràn să jan, bơyai lơh dơ̆ đơs crih tam ya pơgồp bal mờ lam lơh dơ̆ tàm pơrlòng lơh uă nàng gờm Pơrjum dờng Đoàn Ơruh pơnu Kộng sản Hồ Chí Minh jơh gùt lơgar dơ̆ 12.

Bi H Giang Niê, Ƀí thư Tỉñ đoàn Dăk Lăk pà gĭt, kờp jơh priă tă lơh broă lơh là 250 tơlak đong. Do là bơta pơnđơl pràn lơh ngan bơh mpồl đoàn dê tàm broă hòi jà tă pơgồp bal ală bơta pràn wèt rê tàm ƀòn lơgar, ngan là tàm bơta dà lơgar pa sơrlèt gan kòp dờng lơh ală bơta bè lơh sa, kă bro gơtìp uă kal ke.