VOV4.K’ho- Ngai 11/08, tàm hìu duh broă Mpồl duh broă Lý luận Dà lơgar, Củ tịc lơgar, ồng Nguyễn Xuân Phúc, Kwang ătbồ Mpồl đơng lam lơh Rơndăp broă lơh “Broă lơh bơ̆t bơtàu mờ lơh sir gơs Dà lơgar gơnoar adat boh lam Xã hội Củ nghĩa Việt Nam tus nam 2030, gùng dà tus nam 2045” đơng lam dơ̆ lơh broă bơh Duh broă sùm Mpồl đơng lam mờ Mpồl duh broă Lý luận dà lơgar.

Tàm dơ̆ lơh broă, ală kwang bàng tàm Mpồl duh broă Lý luận dà lơgar ring bal, jờng rơ ngan bơta rơcăng lài niam, jơh nùs ngan, rơndăp tăp sèng ngan, jak chài ngan, lơh tờm bơh Mpồl đơng lam lơh Rơndăp broă lơh dê. Bulah kung gam sơl bàr pe bơta kờñ pal geh pơn jăt tai kơlôi sơnơng, iăt kơno nàng lơh sir gơs mơya sền bal jơnau rơcăng cih Rơndăp broă lơh neh lơh geh bơta dùl nùs bal, ring bal uă ngan bơh đah Mpồl duh broă Lý luận dà lơgar, ngan là cơng tàng tàm sră pơ àr, bơta geh ngan bơh Rơndăp broă lơh dê mờ ală tơngume tờm ngan ai tơmŭt tàm Kơrnoăt.

Uă jơnau đơs ring bal mờ ală jơnau đơs, jơnau mblàng yal lơh loh mờ broă bơsong bơh Mpồl đơng lam dê bè ală broă geh jơnau đơs krơi is. Củ tịc lơgar sồr Mpồl sền swì iăt kơno wil tơl jơh ală jơnau đơs tă pơgồp bơh Mpồl duh broă Lý luận dà lơgar dê nàng pơn jăt tai bơtơl, lơh sir gơs Rơndăp broă lơh.

Cau mblàng Lơ Mu K’Yến