Broă tam gơl geh lơh jat bơta ring bal bơh cau ngui đèng, bơh jơnau ring bal mờ sră pơrgon tac bro đèng neh geh kĭ. Tus tŭ do, gah ồs đèng neh tam gơl sră pơrgon tac bro đèng jat broă lơh điện tử ai rlau 3 tơlak 160 rbô nă cau ngui đèng tàm rài kis in. Kờp dŭ tàm nam 2023 rơp lam lơh tam gơl ngai cih khà sồ kông tơ rê hờ ngai lồi nhai ai 2 tơlak 600 rbô nă cau ngui đèng in. Broă tam gơl tơngai cih khà sồ kông tơ rê hờ ngai lồi nhai nàng kờñ tơnguh bơta loh làng, ƀuơn wă tàm broă lơh atbồ đo kờp ồs đèng, cih khà sồ mờ lơh sră yal priă ngui đèng. Tàm nhai tam gơl ngai cih khà sồ kông tơ, khà ngai ngui đèng bơh cau ngui dê rơp uă rlau pơn drờm mờ bal dùl tŭ bơh nhai lài hơ̆ dê, ndrờm mờ khà ồs đèng ngui rơp uă rlau. Bulah bè hơ̆, broă tam gơl do ờ lơh gơ rềng tus gơnoar kuơ bơh cau ngui đèng dê, khà ngui đèng, sră yal priă ngui đèng bơh cau ngui dê kung gam geh gàr niam jat di mờ jơnau sồr mờ jơnau lơh nền bè giă ngui đèng gam ngui tŭ do.