VOV4.K’ho- Lơh jat Nghị địñ sồ 120 bơh Cíñ phủ dê, nam bơsram 2022-2023, Sở Giáo dục mờ Đào tạo càr Kon Tum bơyai lơh rơndap tap sèng, pồ, tàm pơdar uă kwang bàng nàng bơsong bơta ờ niam mờ lơh sir mpồl cau lơh broă atbồ ală hìu bơsram kấp pe. Ngan là gơwèt mờ 8 hìu bơsram kấp pe geh ală Phó Hiệu trưởng uă rlau pơn ndrờm mờ jơnau sồr là 2 nă, Sở Giáo dục mờ Đào tạo càr Kon Tum neh lơh jat broă lơh tàm pơdar 4 Phó Hiệu trưởng tus ală Hìu bơsram geh 1 Phó Hiệu trưởng; 4 hìu bơsram geh sră cih đan tơn jơh is at gơnoar broă mờ 1 hìu bơsram lơh jat broă đùh sră ndơ̆p ờ duh pồ gơnoar broă Phó Hiệu trưởng.

Sở Giáo dục mờ Đào tạo càr Kon Tum jờng rơ cau pơgru jak pơn rơ nam bơsram 2021-2022

Sở Giáo dục mờ Đào tạo càr Kon Tum pà gĭt, broă rơndap tap sèng, pồ, tàm pơdar kwang bàng atbồ ală hìu bơsram kấp pe geh pơn jat tai lơh jat nàng lơh geh jơnau kờñ bơsong bơta ờ niam, bè ờs wơl mpồl lơh broă mờ lơh jat niam uă ngan rlau jơh bơta jak chài cau dùl nă să is bơh kwang bàng atbồ ală hìu bơsram dê.

 VOV Tây Nguyên- Cau mblàng K’Hạnh