Thiếu tướng ồng Nguyễn Đức Mạnh, Phó Tư lệñ Mpồl ling sền gàr tiah nhàr lơgar, Ƀộ Quôk phòng tus bal mờ đơng lam pơrjum dờng. Đơs tàm pơrjum dờng, Thiếu tướng ồng Nguyễn Đức Mạnh jờng rơ uă ngan bè ală cồng nha mờ Mpồl ling sền gàr tiah nhàr lơgar càr Gia Lai lơh geh tàm ală nam pa do. Mpồl ling sền gàr tiah nhàr lơgar càr Gia Lai sùm lơh sir jak ngan kơnòl sền gàr gơnoar tờm kơnhoàl ù tiah, lơngăp lơngai tiah nhàr lơgar Dà lơgar dê, pơgồp dà kơl hề dờng ngan tàm broă bơt bơtàu, bơtàu tơnguh ală anih lơh broă cíñ trị mờ bơtàu tơnguh lơh sa- mpồl bơtiàn tàm tiah nhàr lơgar.

Tàm tơngai tus, Mpồl ling sền gàr tiah nhàr lơgar càr Gia Lai jơh nùs lơh ngan bơsong kal ke, lơh sir jak ngan ală broă jàu, tơngume tàm pơrlòng tơngai bơh nam 2024 -2029, bơt bơtàu mpồl ling kơ̆ kơl jăp pràn kơl dang tơl làm, Đảng ƀộ sàng goh kơ̆ kơl jăp pơn rơ jak ngan. Pơn jat tai tàm dră wơl lơh ờ geh cồng nha tơl jơnau jòi kai, broă lơh dră wơl bơh ală mpồl cau gơ jrañ kơ uềng dê; sền gàr kơ̆ kơl jăp gơnoar tờm kơnhoàl ù tiah, lơngăp lơngai tiah nhàr lơgar Dà lơgar tàm tơngai pa.