Mang òr (21/05), tàm hìu yàng Phờk Quán Sứ, ƀòn dờng Hà Nội, Mpồl jăt yàng Phờk Việt Nam wă rò phan yàng Phờk mờ rơndeh bơkào chờ gờm tờm ngai deh Yàng Phờk, nam yàng Phờk 2568  nam tây  2024 răc dan dà lơgar lơngăp lơngai, làng bol pràn kơl dang.

Wă rò phan yàng Phờk mờ rơndeh bơkào chờ gờm tờm ngai deh Yàng Phờk geh bơyai lơh bơh 7 jơ mang tus 9 jơ mang, mờ broă tus bal bơh git nđờ rơbô nă cau kơ đơng yàng, bal mờ gal cau jăt yàng mờ làng bol tus sền. Mpồl rơndeh bơkào bal mờ rùp Yàng Phờk geh lòt bơh hìu lơh broă gah Jăt Yàng Phờk Việt Nam tềng sồ hìu 73 gùng Quán Sứ, lòt gan ală gơl gùng Lý Thường Kiệt, Bà Triệu, Trần Hưng Đạo mờ rê wơl tus tềng hìu sồ 73 gùng Quán Sứ, ƀòn dờng Hà Nội. gơwèt mờ ală cau jăt yàng phờk, dơ̆ tờm ngai deh Yàng Phờk là bơta chờ, gơboh gơbài, geh lơh wơl, tus bal mờ bồ tơngoh kơlôi sơnơng bè Yàng Phờk geh ngan, bơto ală jơnau kờñ gơboh, ngăc ngar, tam gar niam geh tơnhào plai bơkah.