VOV4.K’ho- Tổng kụk lâm nghiệp, Ƀộ Nông nghiệp mờ Phát triển Nông thôn pa ai tơlik broă rơndap lơh bè rơndap sap sèng wơl gah lâm nghiệp jat ròt bơta kuơ lơh geh mờ tơnguh jơnhua bơta kuơ lơh geh gơguh uă tơngai bơh nam 2021 tus nam 2025. Jat hơ̆, jơh gùt gah do lơh ngan lơh geh khà tac hờ lơgar ndai phan dơm chi mờ phan brê bơdìh mờ dơm chi geh 18 tơmàn dolar Mỹ tus 20 tơmàn dolar Mỹ tàm tơngai bơh nam 2021 tus nam 2025.

Jat broă rơndap lơh pa ai tơlik, wèt tus ală jơnau kờñ, gah Lâm nghiệp tơrgùm chồl pràn tam gơl pa broă lơh sa mờ măi mok lơh gơlik phan brê, bơto bơtê cau lơh broă geh bơta niam uă. Pơn jat tai hòi jà uă ngan rlau jơh ală bơta tă pơgồp bơh mpồl bơtiàn dê, ngui khoa họk kông nghệ pa, nàng kờñ tơnguh uă ngan rlau jơh ală bơta pràn, bơta ƀuơn, bơta kuơ bơh brê dê, bơtàu tơnguh kơ̆ kơljap gah lâm nghiệp.

Cau mblàng K’Duẩn