Tơngai pa do, trồ tiah tơngai duh tàm càr Dăk Lăk gơlik uă ngan, bơta duh geh rơlao 32 độ C, mờ kờp dŭ trồ tiah tơngai duh gam jŏ. Jăt Kông ty Điện lựk Dăk Lăk yal, tài jơnau kờñ ngui ală phan lơh mrềt gơguh uă, khà ồs đèng ngui ai rài kis gơguh uă.

Nàng pleh mờ bơta priă ồs đèng gơguh uă mờ uă ir tàm gùng che ồs đèng, bal mờ broă lơh jăt ală broă chài, gah lơh ồs đèng bơto sồr cau ngui ồs đèng pal tềm pềr, di pal mờ lơngăp lơngai di jăt mờ kơrnoăt 4 di: “Di tŭ, di anih, di broă mờ di jơnau kờñ” mờ pal “Gơsơ̆t tŭ ờ ngui”. Gah ồs đèng càr Dăk Lăk kung lơh pràn jơnau yal mblàng tus mờ làng bol ngui ồs đèng niam, tềm pềr bơh ală pang sră bal mờ tàm ală anih yal tơngit, website, internet...