VOV4.K’ho - Ngai òr (25/04), Phó Thủ tướng ồng Vũ Đức Đam neh kĭ jơnau yal bơh Thủ tướng Cíñ phủ dê bè broă gàr niam bơta lơngăp lơngai, ờ do ờ dă tàm broă nhơl chờ di ngai rơlô 30/4 mờ 01/5/2022.

Thủ tướng Cíñ phủ sồr ală Ƀộ, anih lơh broă ndrờm mờ Ƀộ, anih lơh broă gơwèt Cíñ phủ, UɃÑZ ală càr, ƀòn dờng tơrgùm đơng lam lơh jăt ndrờm bal, lơh pràn, lơh geh cồng nha ală broă gàr niam bơta lơngăp lơngai, ờ do ờ dă mpồl bơtiàn, kloh niam tiah kis, ờ do ờ dă phan sa...; tơnguh uă bơta niam broă lơh nhơl chờ. Jăt mờ hơ̆, tơnguh broă lam sồr, tơnguh uă jơnau git wă bơh mpồl lơh sa kă bro, hìu kă bro, cau năc nhơl chờ tàm broă gàr niam kơrnoăt bè broă rơcang sơndră mờ kòp kovid-19, kloh niam tiah kis, ờ do ờ dă phan sa... tàm ală tiah, anih nhơl chờ; Đơng lam ală tiah tơnguh broă sền gròi, tơl niam ờ do ờ dă tàm broă lơh nhơl chờ; gàr niam ờ do ờ dă ai cau năc nhơl chờ tŭ tus bal tàm gùng lòt, tàm hơ̆ uă ngan là tàm ală tiah di gơlan gơtìp uă kòl gùng, rềs àr tàm gùng lòt.

Cau mblàng Ndong Brawl